Fondi Shqiptar i Zhvillimit të Diasporës ka publikuar Periodikun “Diaspora Shqiptare”, Analiza dhe Studime, një përmbledhje e çështjeve më të rëndësishme që lidhen me dinamikën e Diasporës shqiptare.

Ky periodik, i dyti për vitin 2020, përmban studime, raporte, artikuj dhe opinione të studiuesve e shkencëtarëve shqiptarë në Diasporë dhe Shqipëri të cilët analizojnë dhe shtrojnë diskutime të rëndësishme mbi dhe për Diasporën.

Në fokus të këtij Periodiku është Strategjia Kombëtare e Diasporës Shqiptare 2021 – 2025, e cila përcakton parimet e politikës shtetërore të Republikës së Shqipërisë për mbështetjen e komuniteteve shqiptare, të cilët jetojnë në vendet pritëse në mënyrë të ligjshme. 

Ku nënvijëzohet përfshirja e Diasporës në zhvillimin ekonomik të vendit, e cila do të realizohet nëpërmjet zhvillimit të një kuadri ligjor për investimet nga Diaspora, funksionimin e një strukture të rrjeteve të profesionistëve dhe fuqizimin e Dhomës së Biznesit të Diasporës Shqiptare.

Gjithashtu mund të lexoni raportin mbi “”Angazhimin e Profesionistëve nga Diaspora në vendet e Origjinës” nga Lirim Krasniqi dhe Kaltrina Temaj (Germin); “Migrimi aktual dhe potenciali i studentëve nga Shqipëria :Një brain drain i mundshëm?”, nga PhD. Russell King dhe Dr. Ilir Gëdeshi; “Radikalizmi fetar në Diasporë” nga Ebi Spahiu etj.    

Botimin e katërt mund ta lexoni të plotë këtu:

Diaspora Shqiptare, Peroidik 2 /2020