Shoqata “Petro Nini Luarasi” e cila është nismëtare e Shkollës Shqipe në Madrid dhe Ambasada e Republikës së Shqipërisë në Spanjë organizuan një takim në Parkun “Retiro” për të përkujtuar përvjetorin e 112 të Alfabetit. Ky ishte një aktivitet i vecantë pasi përkoi edhe me një vjetorin e hapjes së Shkollës Shqipe në Madrid.
Gjatë aktivitetit, nxënës, prindër dhe dashamirës të kulturës shqiptare vizituan ekspozitën e artistit shqiptar, Petrit Halilaj, me punime vizuale të cilat ishin të ekspozuara në Pallatin e Kristaltë, Muzeu “Reina Sofia”, po në Parkun Retiro. Ekspozita e artistit shqiptar vijon të jetë mjaft e suksesshme, dhe ka ngjallur interes tek një numër i madh vizitorësh.
