Mbrëmjen e sotme platforma amerikane  “Showtime” ka shfaqur premiere dokumentarin mbi John Belushin, aktorin komik amerikan me origjinë shqiptare i cili humbi jetën në moshë të re.

“Belushi” titullohet dokumentari portret i aktorit, që në thelb ka një histori rrëfimi, përfshirë dhe materiale të padëgjuara më parë nga intervistat audio të komedianit me Tanner Colby, bashkëautor i librit me të njëjtin titull. Dokumentari plotësohet nga një shumë fotografi dhe pamje arkivore, një pjesë  emirë  etë  cilave shfaqen për here t parë për publikun. Dokumentari ndjek jetën dhe karrierën e Belushit që nga rinia e tij në Çikago dhe puna e hershme me trupën e komedisë së Second City, deri te puna e tij në shown  “Saturday Night Live”, filmat e mëvonshëm dhe vdekja e tij në vitin 1982 kur ishte vetëm 33 vjeç, nga një overdozë.

Filmi ofron për adhuruesit e tij disa njohuri për atë që vetë Belushi i referohet si “dëshpërimi i tij i rastësishëm melankolik”. Siç është shprehur dhe mikja e tij Carrie Fisher, e cila gjithashtu luftonte me varësinë dhe sëmundjen mendore, për të dy dhe ndoshta për shumë të tjerë droga nuk ishte problemi, por maturia.

Dokumentari i regjisorit dhe shkrimtarit R.J. Cutler, sjellë rrëfime nga familjarë  dhe njerëz të afërt të yllit si vëllai i tij Jim Belushi si dhe aktorët Carrie Fisher, Chevy Chase, etj.

Lexo edhe- Historia e parrëfyer e John Belushit në një dokumentar