Pas Pfizer një tjetër kompani bën të ditur arritjet e saj për vaksinën anti-COVID. Bëhet fjalë për kompaninë Moderna Inc MRNA.O e cila bëri të ditur se vaksina e saj eksperimentale është 94.5% efektive për të parandaluar Covid-19.
Rezultati vjen pas të dhënave të marra nga testimet klinike që po kryen në shkallë të gjerë. Tashmë SHBA mund të kenë dy vaksina të autorizuar për përdorim emergjent në Dhjetor dhe rreth 60 milionë doza deri në fund të vitit.
Lexo edhe- BBC / Moment historik, Pfizer vaksina e parë që mbron nga COVID-19
Të dyja këto vaksina kanë përdorur një teknologji të re të njohur si RNA dhe përfaqësojnë një armë të re në luftën kundër pandemisë së koronavirusit që ka infektuar mbi 54 milionë persona në të gjithë botën dhe iu ka marrë jetën 1.3 milionë prej tyre.
