Në Norvegji është krijuar shoqata AlbNor në rajonin e Rogalandit. Sipas nënkryetarit të saj Fehmi Bekteshi synimi i shoqatës është ruajtja e identitetit kulturor dhe traditave në brezat e ardhshëm.

Fehmi Bekteshi është nga Skënderaj i Kosovës, i lindur e rritur në Mitrovicë dhe prej 26 vitesh jeto në Stavanger të Norvegjisë ku punon dhe ka një biznes të vogël.

Ai thotë për radio Rilindja në Norvegji se shoqata ka 2-3 muaj që është regjistruar. “Ka si synim ruajtjen e gjuhës dhe kulturës, sidomos te gjenerata e re. Nëse do dëshirojmë që fëmijët tanë të kenë kontaktin dhe të mos i humbin ato me shtetet tona ne duhet të fillojmë të investojmë tani”, tha Bekteshi.

Ai shton se në Rogaland nuk ka pasur shoqatë të mirëfilltë që prej shumë viteve dhe ka shumë njerëz që janë të interesuar të bashkëpunojnë. Duke qenë se shoqata sapo është krijuar dhe synim kryesor është pikërisht ruajtja e identitetit kultuor, por gradualisht do të ketë dhe shërbime për komunitetin që nga mjekët etj. Fehmi Bekteshi thotë se i mban ende lidhjet me vendlindjen në mënyrë që shoqata të kontribuojë edhe më tej mes vendeve.