Duke pasur parasysh problemet që mund të hasin shtetasit shqiptar në Greqi duke aplikuar në platformën e-albania ambasada e Shqipërisë në Athinë ka njoftuar se do të ofrojë asistencë falas për plotësimin e formularëve.  Ky shërbim falas për të gjithë shtetasit shqiptarë vjen si nevojë për të gjithë ata që mund të kenë probleme me përdorimin e platformës.

Ambasada i bën thirrje të gjithë shtetasve të jenë të kujdesshëm dhe të mos bien pre e mashtrimit të zyrave apo pseudoshoqatave kundrejt tarifave abuzive 40 euro ose më tepër.

“Një nga synimet kryesore në këtë përpjekje ka qenë lehtësimi i procedurave me qëllim shmangien e abuzimin në kurriz të qytetarëve tanë. Për këtë arsye ju ftojmë të shmangni kontaktet me persona të paautorizuar, praktikat mashtruese të të cilëve rëndojnë tarifën reale të shërbimeve të ofruara nga Ambasada dhe shpesh  janë të gabuara qoftë për nga përmbajtja dhe qoftë për nga ligjshmëria. Na shkruani në postën tonë elektronike [email protected] për çdo paqartësi”, thuhet në njoftimin e Ambasadës.