Aktorja e njohur Pavlina Mani, së bashku me bashkëshortin e saj, regjisorin Pirro Mani prej 18 vitesh janë larguar në Shtetet e Bashkuara të Amerikës. Të dy artistët shqiptarë në SHBA kanë ndërtuar një jetë të tërhequr nga profesioni i tyre dhe ardhjet e tyre në Shqipëri kanë qenë të pakta.
Sot aktorja me origjinë nga Lushnja Pavlina Mani feston 72-vjetorin e lindjes. Pavlina Mani ka dalluar gjithmonë për perfeksionin gjatë xhirimeve të filmave, kujtojmë rolin e saj në vitin 1966, me “Oshtimë në Bregdet”, i cili ishte filmi i saj i parë, nuk mund të mos kujtohet gjithasht si nëna e Elsës, tek komedia “Pallati 176”, që edhe sot vazhdon të jetë një shfaqje kult për publikun shqiptar.
Seriali i njohur “Njerëz dhe Fate” ishte një nga serialet e para shqiptare, që do të mbetet gjatë në memorien e të gjithë publikut, për arsyen se trajtonte problematika të familjeve shqiptare dhe Pavlina Mani luante rolin e Dritës, nënës së Florit, duke i dhënë peshë këtij roli përkrah aktorit Robert Ndrenika, “Dy herë mat”, gruaja e Ilos, “Në prag të jetës”, “Rruga e lirisë”, “Pas vdekjes” etj..
Roli i Dritës tek “Njerëz dhe Fate” ishte edhe roli i fundit i Pavlina Manit në kinematografinë shqiptare, sepse pas këtij roli është larguar bashkë me familjen në SHBA, ku jeton prej vitit 2002.
