Prej disa ditësh Greqia ka rikthyer karantinë dhe për këtë arsye Ambasada e Republikës së Shqipërisë në Athinë do të vijojë me shpërndarjen e dokumentave vetëm nëpërmjet postës.

Pasaportat dhe Kartat e Identitetit të shtetasve shqiptarë që kanë kryer aplikimet deri më datë 16 tetor 2020 kanë mbërritur dhe do të shpërndahen me anë të shërbimit postar.

Duke qenë se ngarkesa e punës do të jetë më e madhe, Ambasada njofton shtetasit shqiptarë se mund të ketë vonesa në procedura.

Personat që nuk kanë bërë kërkesë për të përfituar shënrbimin postar duhet të dërgojnë kërkesë në postën elektronike të Ambasadës [email protected], ku duhet të jenë specifikuar saktësisht të dhënat e kërkuesit dhe adresa e plotë e shtëpisë.

Shkruani në subjekt të e-mailit tuaj “Kërkesë për tërheqjen e pasaportës” dhe në tekst të dhënat e mëposhtëme:

– Emër Mbiemër

– Adresa e saktë e shtëpisë (emri i rrugës, numri, kodi postar, qyteti, rrethi)

– Foto e faturës së aplikimit.

– Numri i telefonit celular.

Nuk nevojitet ridërgimi i kërkesave me e-mail për të gjithë ata qytetarë që pas procedurës së aplikimit pranë Ambasadës kanë depozituar deklaratën me përgjegjësi për dërgimin me postë të dokumenteve të tyre biometrikë.