Federata e Urdhërit të Mjekëve Italianë me një notë zyrtare i ka kërkuar Kryeministrit Giuseppe Conte e qeverisë, të vendos në të gjithë Italinë regjimin e lockdownit total të vendit si e vetmja rrugë për të shpëtuar sistemin shëndetësor publik nga kjo fazë kritike në të cilin ndodhet.
Po çfarë po ndodh me spitalet italiane? Si po e përballojnë mjekët këtë fazë të re emergjence e cilat janë problematikat më urgjente? Pse ka një kërkesë të lartë për shtretër në repartet e terapisë intesive e pse nuk janë mundur të sigurohen gjatë këtyre muajve? A vazhdojnë të infektohen mjekë e infermierë nëpër spitale e sa të sigurta janë sot këto struktura nga rreziku i infektimit?
Në një intervistë ekskluzive transmetuar mbrëmjen e 10 nëntorit në emisionin “Tempora” në RTV ORA ka folur zëvendës Presidenti i Urdhërit të Mjekëve Italianë doktor Giovanmi Leoni, mjek kirurg në spitalin Civil të qytetit të Venezias.
Alba Kepi: Doktor po e nis me lajmin e fundit i cili na ka preokupuar të gjithëve. Federata e Urdhrit të Mjekëve Italianë ka kërkuar sot mbylljen e vendit. Pse kjo kërkesë e juaja? Çfarë po ndodh në sistemin shëndetësor italian?
Dok. Giovanni Leone: Fenderata e Urdhrit të Mjekëve Italianë përbëhet nga rreth 420 mijë mjekë italianë, pjesë e 106 degëve të urdhrave provincialë e është një institucion përfaqësues i tyre.
Kemi arritur në këtë kërkesë tonën pas analizës së të dhënave të pandemisë gjatë këtij muaji e gjatë këtyre javëve të fundit, që shënojnë një rritje preokupuese të rasteve pozivite e sidomos të pacientëve të shtruar në repartet e terapisë intesive. Numri i tyre ka kapërcyer sot 30% të numrit të të përgjitshëm të shtretërve në këto reparte.
Në fazën para pandemisë, numri i shtretërve në dispozicion në terapitë intesive ishin pak më shumë se 5 mijë shtretër e tani në fazën post pandemisë kemi arritur pak më shumë se 7500. Ndërsa numri i personelit në periudhën para e post Covid është rritur gjithsej vetëm me 5%. Pra kjo analizë e thjeshtë për të kuptuar se gjithë ngarkesa e sotme me pacientët Covid rëndon tek pothuajse të njëjtët numër mjekësh e infermierësh. Beteja ndaj virusit fitohet vetëm në terren duke evituar problematikën e shtimit të rasteve të reja pozitive e statistikisht të paktën 4% e tyre përfundon në repartet e terapisë intesive ndërsa 10-15% e të infektuarve në reparte të specializuara apo në repartet Covid me një gjëndje klinike preokupuese. Ky lloj progresiviteti i rasteve pozitive nuk mund të përballet gjatë e është i domosdoshëm ndryshmi i tendencës. Sic u vërtetua me eksperimentimin në periudhën mars-prill 2020 në Wuhan, apo dhe kur u krye izolimi i parë territorial në Itali në qytezën Vo Euganeo, lockdowni prodhoj një rezultat pozitiv me numrin minimum historik të të infektuarve në muajt korrik – gusht 2020. E megjithatë virusi nuk u zhduk asnjëherë, edhe pse i favorizuar nga temperaturat e ngrohta të stinës së verës, apo dhe nga periudha e pushimeve e me mbylljen e shkollave.
Nga mesi i muajit shtator u verifikua shtimi i rasteve pozitive për shkak të tre faktorëve si rikthimi në punë, hapja e shkollave e përdorimi i mjeteve të transportit në kapacitetin e tyre maksimal. Por dhe mosrespektimi i rregullave nga një përqindje e konsiderueshme e popullsisë sidomos në grupmoshat 20-45 vjec, i ashtuquajturi popullsia e aperitivit që bëri që mosha mesatare e të infektuarve të ulet dukshëm nga 60-70 vjec që ishte në fazën e parë në 35-40 vjec aktualisht.
E nuk duhet harruar se në momentin që një person rezulton pozitiv nuk dihet sesi do të jetë evolucioni i tij i sëmundjes. Kur ditë pas dite shkon në rritje numri i të infektuarve, po në rritje do të shkoj dhe përqindja e pacientëve që do të kërkojnë kurim spitalor apo në reparte të terapisë intesive.
E ne si mjekë nuk jemi në gjëndje në këtë moment të përballojmë shpejtësinë që po merr rritja e numrit të të infektuarve.
Alba Kepi: E ky alarm verifikohet sot në të gjithë territorin kombëtar?
Doktor- Giovanni Leoni- Ndryshe nga faza e parë e pandemisë – kur u godit në mënyrë të veçantë pjesa veriore të vendit e shumë më pak Italia Jugore e Qëndrore, – kjo valë të re virusi është përhapur në të gjithë territorin italian duke krijuar vështirësi në territoret qëndrore e jugore të cilat kanë në dispozicion një numër ekstremisht të reduktuar shtretërish në repartet e terapisë intesive.
Alba Kepi: Po pse ka kudo një numër kaq të ulël shtretërish në repartet e terapisë intesive
Doktor Giovanni Leoni: Repartet e terapisë intesive zakonisht janë rezervuar për pacientë që vuajnë nga sëmundje të rënda, apo që kryejnë një ndërhyrje të vështirë kirurgjikale, kardiake, onkologjike etj. Pacientët në terapinë post operacion qëndrojnë vetëm pak kohë në këto reparte 1 deri në 2 ditë maksimumi, e pas stabilizimit transferohet në repartin e specializuar.
Ndërsa kur një pacient shtrohet në terapi intesive për Covid, koha e qëndrimit të tij në këtë repart është nga dy javë deri në 21 ditë në rastet më të mira të sëmundjes.
Prandaj koeficienti i kohës së zënies së shtratit në repartet e terapisë intesive për Covid është shumë i gjatë. Madje ka pacientë që kanë qëndruar me muaj në spital derisa janë shëruar. E për gjatë gjithë kësaj kohe shtrati është i bllokuar. E pa harruar dhe rrjedhën normale të punës që ka çdo strukturë spitalore me të sëmurët e përditshëm apo operacionet e planifikuara.
Alba Kepi: Pra për të qënë më të qartë. Ju sinjalizoni në këto moment pamjaftueshmërinë e personelit, mungesën e shtretërve apo dhe problematika të tjera siç u shfaqën në fazën e parë siç ishte mungesa e oksigjenit?
Doktor Giovanni Leoni: Në këtë moment problemi i madh i i yni është një ngarkesë e madhe pacientësh që të përballohet nga sistemi.
Organizimi i sistemit ekziston, por nuk është i llogaritur për një numër infinit pacientësh. Asnjë sistem europian a botëror nuk është i përgatitur të përballojë një numër kaq impresionues pacientësh. Çdo strukturë spitalore qoftë dhe me 50 pacientë ka një organizim të mirë stafi që nga sanitarët, kuzhina e deri tek salla operacionit, ka një sistemi ekipi të organizuar mirë, që mund të përballoje një emergjencë por që nuk mund të jenë pa fund, ndryshe shpërthen.
Siç po shohim që ndodh në Napoli o në Romë ku pacientët qëndrojnë nëpër ambulanca deri në pritje të vendit se ku do të shtrohen për t’u kuruar.
Gjithë kjo problematikë që na shfaqet sot, pra ky shtim i rasteve pozitive është rrjedhë e asaj çka ndodhi 10 -15 ditëve më parë. Faktori kohë është mjaft i rëndësishëm pasi duhet të kemi parasysh se një personit i duhet të paktën 3-4 ditë pas infektimit që të shfaq simptomat, më pas disa ditë të tjera për kryerjen e tamponit e marrjen e përgjigjes, pasi jo çdo tampon rekomandohet të kryhet urgjent.
Më pas disa ditë të tjera për sinjalizmin e pozitivitet në sistemin shëndetësor lokal e më pas në atë kombëtar. Pra në këtë situatë kemi eksperincën që lockdowni është një sistem i sigurtë e efikas, E përballë këtyre statistikave e kësaj kurbe të pandemisë kemi përgjegjësinë të themi se në këtë gjëndje gjëja më e mirë është mbyllja e vendit.
Alba Kepi: Ndryshe çfarë mund të ndodh?
Doktor- Giovanni Leone: Ndryshe sistemi mund të ketë një ngarkesë të tillë pacientësh që nuk është në gjëndje për ta përballuar.
Alba Kepi: Po sipas jush çfarë nuk ka funksionuar që sot jemi në një pikë të tillë, e kujtoj se nga shkurti 2020 e deri më sot qeveria Conte ka aprovuar me dhjetra dekrete për të përmirësuar këtë sistem.
Doktor Giovanni Leoni: Ne si mjekë kemi vuajtur pa dyshim komunikimin e bërë nga negaciotoret, nga persona që kanë mohuar situatën e që po vazhdojnë ta mohojnë dhe sot, nga deklarata të penguara nga media, nga presioni ekonomik i të gjithë atyre që vuajnë nga mbyllja e aktiviteteve ekonomike. E pa harruar se gjatë kësaj vere kemi diskutuar e ishim kundër hapjes së diskotekave që u hapën në korrik e në gusht u mbyllën pasi u vërtetuan si burim vatrash infektimi e që nuk mund të kontrolloheshin. Pra para së gjithash ajo që mungon është koshienca civile e rreth 20-25% e popullsisë. Po përtej këtyre kritikave duhet të pranojmë që sot kjo është situata që kemi.
Alba Kepi: E në rast se qeveria nuk do të pranoj këtë lockdown total të kërkuar nga ju. Çfarë duhet të presim?
Doktor Giovanni Leoni: Ne shprehëm opinionin tonë si ekspertë të shëndetit. Ne nuk jemi politikanë, ne jemi mjekë dhe e bëjmë këtë punë prej kohësh që kur kemi nisur të studiojmë në universitete. Politikani merr vendimet e tij mbi bazën e shumë konsideratash, ndërsa mjeku jeton realitetin e pacientëve të tij, të strukturës ku punon e ka një vizon të drejtpërdrejtë e të qartë të situatës. E kjo është deklarata jonë e jemi në pritje të vlerësimit të saj nga qeveria. E duhet të shohim dhe si do të evoloje situata në bazë të treguesve të numrit të pacientëve, numrit të personelit në dispozicon, shtretërve, numrit të rasteve pozitive etj,
Alba Kepi: Mjekë e infermierë të infektuar ishin një nga problematikat e fazës së parë të pandemisë. Si është situata sot?
Doktor Giovanni Leone: Aktualisht janë 2-3% e personelit mjekësorë të infektuar. Deri sot janë mbi 180 mjekë viktimë Covid, rreth 50 infermierë viktimë. Pas shymë përpjekjesh e nuk qe e lehtë mundëm të sigurojmë njohjen si aksident në punë për mjekët e infermierë e sanitarët e infektuar. Arritëm të garantojmë rreth 1500 euro më shumë në pagë për orët e punës së mjekëve e infermierëve gjatë fazës së parë të pandemisë e është një shumë absolutisht simbolike.
Alba Kepi: Në fazën e parë rreziku i infektimit në spital për një pacient jo pozitiv nga Covid ishte mjaft i konsiderueshëm, e sot ekziston përsëri ky rrezik?
Doktor Giovanni Leone: Për fat sot kemi mësuar nga gabimet tona. Rrugët sot janë të ndara për cdo tipologji pacientësh të cilët seleksionohen paraprakisht në bazë të patologjisë së tyre, Tamponet kryhen në sallat e urgjencave e askush nuk mund të hyjë në çdo lloj reparti pa kryer tamponin me rezultat negativ. Ka pasur raste pacientësh që janë infektuar gjatë qëndrimit të tyre në spital, por janë sot raste absolutisht të rralla. E në të gjithë territorin kombëtar po tregojmë kujdes që të kemi operatorë shëdetësore në terren me veshje mbrojtëse profesionale që të mos infektohen e të mbrojnë dhe familjet e tyre.
Alba Kepi E në mbyllje doktoj ju jeni mjekë në spitalin e Venecias, Si është situata në spitalin tuaj?
Doktro Giovanni Leoni- Unë jam mjek kirurg i përgjithshëm e sot në mëngjes na erdhi komunikimi nga shteti që të limitojmë operacionet e patologjive jo të lidhura me sëmundje jo onkologjike. Të limitojmë pranimet e shtrimeve në spitale të personave me patologji jo urgjente, të rezervohen vende për pacientë Covid.
Në Venecia janë ngritur disa struktura spitalore enkas për pacientët Covid e po përjetojmë të njëjtën situatë të ngjashme me mars-prill 2020. Ndërsa parashikimet tona ishin të rekuperonim të gjitha ato situatat e papërfunduara të lënë pas nga faza e parë e pandemisë. E pra kjo eshte situatë për fat të keq ky është një problem për qytetarët./ Tv Ora News
