Mediat italiane bëjnë të ditur se edhe portieri shqiptar Thomas Strakosha i Lacios ka rezultuar pozitiv me koronavirus.
Nga ana tjetër, dy shokët e tij të skuadrës Lukas Leiva dhe Çiro Imobile kanë rezultuar negative në testin e fundit. Lajmi bëhet i diur nga Ansa. Lazio është nën hetim, sikurse edhe klinika në Avellino, “Futura Diagnostica”, madje 94 tamponë u morën nga prokurorët dhe po bëhet rishikimi i testeve në spitalin Moskat.
Strakosha prej disa ndeshjesh nuk aktivizohej me Lacion. Fillimisht, u mendua se ai ishte dëmtuar, por më pas mediat raportuan gjerësisht se ai së bashku me disa lojtarë të tjerë ishin infektuar me COVID-19. Kujtojmë që Strakosha nuk është grumbulluar këtë muaj me Shqipërinë.
Thomas Strakosha është djali i portierit legjendar të kombëtares shqiptare Foto Strakosha. Ai ka lindur në Greqi më 19 mars 1995.
Karrierën e tij e ka nisur në 2011 në Greqi me skuadrën e Panionions, më pas në 2012 u transferua në Lacio me të rinjtë.
