Festimet për festat e nëntorit nuk do të mungojnë në komunitetet shqiptare pavarësisht situatës së krijuar nga koronavirus.

Shkolla shqipe e Qendrës Kulturore Shqiptaro-Amerikane në Riverdell të Nju Xhersit prej dy muajsh vijojnë mësimin e rregullt, teksa fëmijët tashmë janë dukë mësuar të vizatojnë shqiponjën dykrenare.

Shkolla bën të ditur se fatmirësisht nuk ka pasur deri tani raste të infektuara me koronavirus, dhe se në këtë shkollë e frekuentojnë gjatë javës mësimin e rregullt dhe nxënësit e një shkolle amerikane.

Çdo javë nxënësit gjatë pushimit punojnë duke u argëtuar. Të shtunën e shkuar Burim Zhuta, sponsori kryesor i Qendrës Kulturore kishte propozuar që fëmijët të vizatonin shqiponjën dykrenare, simbolin tonë.

Kjo kishte si qëllim që te fëmijët të rrënjosë dashurinë për flamurin tonë kombëtar.