Dëshmorët shqiptarë dhe kroatë të vrarë në luftën atdhetare janë përkujtuar në Bogdanoviç të Kroacinë në ditën e veteranëve shqiptarë në Kroaci.

Në 29-vjetorin e rënies së dëshmorëve dhe Ditës së Veteranëve Shqiptarë në Kroaci, para përmendores janë bërë homazhe duke vendosë kurora lulesh, ku morën pjesë familjar të dëshmorëve, Ministrisi i Mbrojtjes Mario Banožić, përfaqësues të Ministrisë së Veteranëve, përfaqësues të qytetit të Bogdanovcit, Atasheu ushtarak i Kosovës, Skender Hoxha, diplomati Xhevdet Sopaj, bashkëluftëtarë si dhe bashkëkombasit që jetojnë në Kroaci.

Në vitin 1991 Vukovari ishte i rethuar nga okupatori, dhe në bazë të vendimeve për ruajtjen e integritetit teritorial të Republikës së Kroacisë u vendos të hapet rruga (Kukuruzni put) Marinci – Bogdanovci, si paralele e rrugës që ishte e bllokuar Vinkovci – Vukovar. „Rruga e misrit” u ndërtua dhe u hap më 29 korrik 1991, kjo rrugë kishte efekte pozitive dhe në këtë mënyrë dukshëm është zbutur izolimi i Vukovarit.

Rruga e sapondërtuar Marinci-Bogdanovci ishte shënjestër e sulmeve të artilerisë dhe avionëve të JNA-së. Pas disa sulmeve ajrore të shpeshta, më 24 gusht 1991, bashkëluftëtari Luka Andrijanić rrëzoi avionin e parë të JNA-së në zonën e Vukovarit…, në Bogdanovci u vranë 9 luftëtarë shqiptarë dhe shumë bashkëqytetarë të tjerë të këtij rajoni. Deri më tani në Kroaci janë identifikuar 87 dëshmorë shqiptarë, afro 40 të zhdukur, mbi 500 të plagosur, dhe gjithsej reth tre mijë luftëtarë shqiptarë, edhe pse besohet që ishte një numër më i madh, ku me kalimin e kohës do të identifikohen në bazë të ligjit dhe ndihmën e autoriteteve përgjëgjëse.