Dua Lipa ka njoftuar fansat e saj se ka nisur shitja e biletave për koncertin e saj virtual. Koncerti ‘Studio 2054’ do të transmetohet “live” edhe në vendin tonë.

Biletat për koncertin e Dua Lipa “Studio 2054” tashmë janë në shitje në Festtix, platformën më të re ndërkombëtare për menaxhimin e eventeve.

Eksperienca e re dhe shumë-dimensionale do të nis më 27 nëntor nga ora 21:30 në LIVENow.

Koncerti “Studio 2054” do të jetë një mbrëmje e mbushur me muzikë, performanca, aktrim, vallëzim etj.. Të gjitha këto të bashkuara në një përvojë multi-dimensionale të drejtpërdrejtë.

Përgjatë koncertit i cili do të mbahet në një depo, Dua Lipa pritet të ndërrojë disa veshje dhe skenat ku ajo performon do të ndryshojnë nga njëra-tjetra. Gjatë performancave ajo po ashtu do të shoqërohet nga disa muzikant, valltarë, akrobat të ndryshëm, dhe mysafirë special.

Koncerti “Studio 2054” do të transmetohet “live” dhe biletat për të pasur akses për ta parë koncertin, tashmë janë në dispozicionin e publikut, shkruan Dua Lipa në faqen e saj në Instagram.