Një panetone artizanale e shpallur në krye të renditjes italiane, është përgatitur nga pastiçieri shqiptar Astrit Feraj, bashkëpronar i lokalit “L’Elysee në Avigliana”, në Torino. Shqiptari Feraj u shpall një nga 5 finalistët në një garë me 25 gjysmëfinalistë nga e gjithë Italia. Kryetar i jurisë në konkursin kombëtar “Dita e Panettone”, ishte mjeshtri me famë botërore Iginio Massari.
Pastiçeri shqiptar Astrit Feraj ka bërë për vete Iginio Massari dhe është bërë pjesë e garës së finalistëve për panetonen më të mirë në muajin korrik ku garoi me 278 konkurent fillestarë.
Ky ishte edicioni i tetë i këtij konkursi kombëtar të Ditës së Panettone-s, edicion që synon të promovojë vlerën e zejtarisë në Itali dhe kulturën në një simbol të ëmbëlsirave siç është panetone.
Pastiçeri Astrit Feraj pranojë sfidën në muajin korrik dhe vendosi të provojë veten në krijimin e panetonit duke krahasuar veten me artizanë të tjerë nga e gjithë Italia, duke përfituar nga kjo mundësi që ju dha.
Shkathtësia dhe aftësia e tij janë shpërblyer: interpretimi i tij në fakt ka pushtuar qiellzën e mjeshtrit Iginio Massari gjatë përzgjedhjes në Cast Alimenti, duke fituar një vend në mesin e 25 finalistëve nga mbi 278 panettone në konkurs.
Gjatë këtij rasti, Maestro Massari theksoi vlerën e këtij konkursi për këtë ëmbëlsirë kaq të njohur.
“Konkursi Dita e Panettone është një iniciativë unike e llojit të saj dhe këtë vit domethënia e saj merr një rëndësi edhe më të madhe falë mundësisë së madhe për shikueshmëri që ju ofron jo vetëm fituesve, por edhe të 25 finalistëve të konkursit. Periudha që Italia po përjeton nuk është më e lumtura, por kjo mund të përfaqësojë një sfidë për të ndjekur shtigje që kurrë nuk do të kishim menduar t’i kalonim dhe të përtërinim biznesin tonë për të përmirësuar veten, duke iu përgjigjur kërkesave të reja të klientëve “.
Sfida për Astrit Feraj zgjati deri në 25 shtator, ku ja doli të fitoi dhe të jetë pjesë e pesë finalistëve më të mirë.
25 krijimet e panetoneve kanë qenë në shitje nga data 12 Tetor dhe do jenë deri më 8 Nëntor në dyqanin e Përkohshëm të “Panettone Day” në Milano.
*Ndalohet kopjimi, riprodhimi dhe publikimi i materialit pa cituar burimin “Diaspora Shqiptare”
