Opera “Carmen” do të rikthejë në skenën gjermane Gëzim Myshketën, një nga artistët e njohur shqiptar me sukses në skenat e huaja dhe ato shqiptare.
Ai do të sjellë në skenë veprën e famshme të Bizet në Lajpcig duke nisur nga 17 nëntori 2020 e deri në 1 maj të vitit të ardhshëm.
Gjatë periudhës së karantinës, Gëzim Myshketa i ka qendruar pranë publikut duke i ofruar nga rrjetet sociale interpretim të disa prej kryeveprave të muzikës shqiptare, midis të cilave këngën “Baresha” nga Nexhmije Pagarusha, “Valsi i Lumturisë” nga Vaçe Zela, “Jon” nga Ardit Gjebrea, etj.
“Carmen” është opera tragji-komike në katër akte e cila për herë të parë ishte performuar më 3 mars të vitit 1875 në Paris, ndërsa në Operën gjermane në Berlin premiera e kësaj shfaqje ishte dhënë më 11 maj 1979. Tema e operës bazohet në nevojën absolute të Carmen për liri dhe insistimin e saj në marrëdhënie të bazuar në pavarësi të plotë. Tregimi i Carmen dhe Don José, përfundon me një vrasje tragjike. Vepra përmes skenave komike prezanton të gjitha emocionet dhe tiparet e gjendjes njerëzore mendjelehtësinë, marrëzinë, joshjen, mizorinë dhe fatin.
Gëzim Myshketa u diplomua me nota maksimale në Konservatorin “Arrigo Boito” në Parma, nën drejtimin e mjeshtrave Giuliano Ciannella dhe Lelio Capilupi. Vetëm 20 vjeç debuton në rolin e Figaros në “Le Nozze di Figaro” nën dirigjimin e Antonello Allemandit dhe më vonë me fituesit e konkursit ndërkombëtar Giuseppe di Stefano Trapani. Fituesi i 57- të Konkurrencës As.Li.Co 2006, ai bëri debutimin e tij si Don Giovanni dhe Leporello në Circuito Lirico Lombardo dhe Opera de Massy. Në vitin 2008 ai fitoi Konkursin Ndërkombëtar të Muzikës së Dhomës ” Francesco Paolo Tosti ” etj. Ndër vite si dhe tani aktiviteti i tij operistik është vlerësuar jo pak dhe nga kritika dhe publiku.
