Ambasadori i Bashkimit Evropian në Shqipëri, Luigi Soreca iu ka dorëzuar ditën e sotme autoriteteve shëndetësore shqiptare 30 respiratorë për spitalin Covid 4.
Soreca tha se kjo është pjesa e 6-të e ndihmës që i jepet Shqipërisë për të luftuar përhapjen e koronavirusit.
Mes të tjerash ai shprehu dhe vlerësime për bluzat e bardha, duke shtuar se BE do t’iu përgjigjet nevojave të qytetarëve për t’i ndihmuar.
“Jemi sot në spitalin Covid 4 për të dorëzuar 30 respiratorë të lëvizsshëm që do të ndihmojnë stafin mjekësorë në luftën kundër pandemisë, duke arritur kështu shifrën 80 respiratorë të dhuruar nga BE për spitalet në Shqipëri. Me shifra në rritje, kapacitetet janë shtuar dhe personeli shëndetësor është nën presion. Dua të falenderoj mjekët dhe infermierët, epidemiologët, punonjësit e ISHP. Dua t’i falënderoj dhe jemi krenarë që ne BE kemi mundësinë që ju kemi ndihmuar prej fillimit. Ne duam që të falënderojmë personelin mjekësor me gjithçka që ka bërë. BE e ka mbështetur me 50 mln euro, si me respiratorë të lëvizshëm. 46 mln euro janë akorduar për të ulur ndikimin e krizës. Qasja e BE ka qenë që të reagojë dhe t’i përgjigjet nevojave të qytetarëve dhe për të ndihmuar. Do kemi një dimër që do të jetë i vështirë”, tha Soreca.
