Një ditë më parë ministria e Brendshme shqiptare njoftoi hapjen e zyrave të reja të aplikimit për dokumentet biometrike.

“Zyrat e reja të aplikimit do të hapen pranë Konsullatës në Bari, Itali, si dhe Ambasadave Shqiptare në Vjenë, Austri; në Paris, Francë; në Berlin, Gjermani; në Stokholm, Suedi dhe në Stamboll, Turqi”, tha një ditë më parë ministria e Brendshme.

Lexo edhe- Dokumentet biometrike, hapen 6 zyra të reja në shtetet evropiane për aplikim

Nisur nga kërkesat e shumta, ambasada shqiptare në Suedi ka bërë një sqarim për bashkëkombësit shqiptarë, duke thënë se ende nuk është ngritur struktura përkatëse në ambasadë dhe kjo kohë nuk është përcaktuar ende.

“Te nderuar bashkatdhetarë! Është e vërtetë qe ditët e fundit është marre një vendim qe pasaportat te jepen edhe nga Suedia, por ende do te kaloje ca kohe derisa te ngrihet struktura perkat ese (foto, shenja gishtash etj) ne ambasade. Kjo kohe ende nuk është përcaktuar. Ne momentin qe shërbimi te behet funksional, do ju njoftojmë zyrtarisht këtu, ne faqen FB te ambasadës.
Do te jeni te mirëpritur”, njofton ambasada.