Mjeku shqiptar Gani Zeka është i specializuar në sëmundjet e brendshme dhe prej vitesh jeton në Poloni. Në një intevistë për “Euronews Albania” ka folur për situatën e Covid-19 në Poloni.

Ai shprehet se virusi nuk ka inteligjencë, virusi shfrytëzon gabimin dhe mospërfilljen e rregullave dhe infekton. ” Virusi nuk ka inteligjencë, virusi shfrytëzon mosbindjen e individit, ndaj individi duhet t’i përmbahet rregullave.”

Gjithashtu ai thekson se situata në Poloni është pak a shumë e ngjashme me vendet e tjera dhe çdo ditë po shihet një shtim i rasteve me të infektuar. “Situata në Poloni është pak a shumë e njejtë me vendet e tjera. Situata nuk është kritike, por është duke u shtuar numri i personave të infektuar dhe mund të çoj në një bllokim të mundshëm. Ministri i Shëndetësisë deri tani ka arritur të mbaj në kontroll situatën. Këtu në Poloni mjekësia primare ka për detyrë të mbajë nën kontroll zinxhirin e infektimeve nëpërmjet tamponëve. Udhëzimet janë të shumta dhe është premtuar se do shtohen vendet ku të bëhet tamponi. Karantina në Poloni është dhjetë ditë, por mjekët vendosin nëse ajo duhet të zgjatet apo jo.”

Nëse numri do të vijoi të rritet mjeku Zeka shpreh shqetësimin e kapacietet spitalore nuk do të jenë të mjaftueshme. “Kemi frikë se nuk mjaftojnë kapacitetet në spital për të pritur pacientë dhe po përgatiten qendra të tjera spitalore. Personoli mjekësorë është shumë i lodhur, por do të duhet ti bëj ballë edhe këtë herë. Aktivitetet nuk lejohen vetëm në ato vende ku ka shumë persona, persona që rrin në grup duhet të respektojnë masat anti-covid sipas protokollit.”