Organizata “Jeta” me degë në Selanik ka nisur kurset e mësimit në gjuhën shqipe për fëmijë dhe të rritur për vitin shkollor 2020-2021.

Njëkohësisht në këtë organizatë jepen edhe mësime për greqisht për të rritur (kryesisht mbi pyetësorin e nënshtetësisë).

Duhet theksuar se të gjitha mësimet në organizatën “Jeta” janë falas.

Organizata “Jeta” është themeluar në mars të vitit 2016, me synimin për të qenë një komunitet që fokusohet kryesisht në kërkimin, studimin, komunikimin dhe ndërhyrjen në çështjet që i përkasin përmirësimit të cilësisë së jetës së gruas dhe të grupeve delikate të shoqërisë, duke kontribuar kështu në përpjekjet për përmirësimin e mirëqenies sociale, duke ofruar ndihmë në zbulimin dhe komunikimin e çështjeve sociale që u përkasin, qoftë në mënyrë të pavarur, apo ndërmjet koordinimit të veprimeve, njohurive dhe të ardhurave me organizma të tjerë për të njëjtin qëllim. Në fokus të saj është mbështetja dhe fuqizimi i gruas dhe të grupeve delikate të shoqërisë, çka në këto kohë e ka treguar me aktivitetet e shumta që ka organizuar.

Përveç Athinës organizata “Jeta” ka degët e saj në: Selanik, Veria, Patra, Larisa dhe Volos.