Mësuesit shqiptarë në Patra kanë marrë tekstet e dërguara falas nga Qendra e Botimeve për Diasporën.
Dorëzimi i librave për mësimin e gjuhës shqipe në Diasporën shqiptare në Greqi vijon nën kujdesin e veçantë të Ministrit të Shtetit për Diasporën, në bashkëpunim të ngushtë me MEPJ-në dhe Ambasadën e Republikës së Shqipërisë në Greqi.
Shoqata Emigranti Patra dhe Shkolla Shqipe Patra, në Athinë tërhoqën librat për nxënësit e tyre për vijimin e mësimit në kursin e gjuhës shqipe “Naim Frashëri” për vitin shkollor 2020-2021. Anëtarët e Shoqatës Patra falënderojnë Qendrën e Botimeve për Diasporën që bëri të mundur sigurimin dhe dërgimin e teksteve shkollore dhe plotësuese në kohë për vijimin e vitit të ri shkollor.
Qendra e Botimeve për Diasporën ka dërguar falas 2623 tekste shkollore dhe plotësuese të paracaktuara për mësimdhënien e gjuhës dhe kulturës shqiptare atje.
Tekste të ndryshme shkollore, seria më e re e botimeve dygjuhëshe nga Qendra e Botimeve për Diasporën, një sërë vlerash, materialesh të ndryshme didaktike janë tashmë në dispozicion të mësuesve për mësimin e gjuhës dhe kulturës shqiptare në Diasporë.