Konsullata e Përgjithshme e Republikës së Shqipërisë në Selanik njofton të gjithë bashkatdhetarët se kanë mbërritur Pasaportat dhe Kartat ID për të cilat është aplikuar deri më datë 20 Shtator 2020.
Shpërndarja e tyre do të bëhet çdo ditë nga e hëna deri të enjten në orarin 09:00 deri 16.00, ndërsa të premten 9.00 deri 14:00.
Për të gjithë ata që kanë bërë kërkesë për t’í marrë mjetet e identifikimit me postë duhet të dërgojnë kuponin e pasaportës tuaj në adresën e konsullatës: “Alvaniko Prokseneio”, Tsimiski 43, TK 54624, Thessaloniki.
“Në kuadrin e masave dhe kufizimeve që janë në fuqi në shtetin grek lutemi dhe kërkojmë korrektësinë maksimale gjatë paraqitjes në Konsullatë, përdorimin e maskave dhe distancimin fizik”, thuhet në njoftim.
Paraqitja në Konsullatë për tërheqjen e Pasaportave dhe Kartave ID është e detyrueshme sipas mbiemrit dhe ditëve si më poshtë:
Ditë e Hënë
Qytetarët me mbiemrin nga “A, B, C, Ç, D, DH ”
Ditë e Martë
Qytetarët me mbiemrin nga “E, F, G, GJ, H, I, J”
Ditë e Mërkurë
Qytetarët me mbiemrin nga “K, L, LL, M, N, NJ”
Ditë e Enjte
Qytetarët me mbiemrin nga “O, P, Q, R, RR, S, SH”
Ditë e Premte
Qytetarët me mbiemrin “T, TH, U, V, X, XH, Y, Z, ZH”.