Talenti shqiptaro-amerikan, i lindur në New York, Henry Hysenagolli sapo ka nënshkruar me “CD Leganes”, një klub futbolli me qendër në Madrid në Spanjë.

Hysenagolli është vetëm 18 vjeç dhe tashmë ka hedhur hapa të mëdha në futbollin ndërkombëtarë, gjithashtu ai është pjesë e ekipit kombëtar të Shqipërisë U-19 në 2019.

Futbollisti i ri ka lindur më 15 mars 2002 dhe filloi të luaj futboll në parqet e Staten Island, ku spikati si talent.

Më pas ai u bë pjesë e “FA Euro” në Brooklyn, ku suksesi i tij u promovua nga U-23 në ekipin e klubit USL League Two.

Tashmë Henry ka nisur një eksperiencë të re europiane duke nënshkruar me CD Leganes.

“Një moment emocional për mua dhe një ëndërr e realizuar, unë jam shumë i ngazëllyer që zyrtarisht them se kam nënshkruar për @cdleganes dhe kam nisur një kapitull të ri në jetën time!” ka shkruar Henry në llogarinë e tij në Instagram.

Talenti shqiptar ka shumë për të mësuar në klubin e ri, eksperiencë që do t’i kontribuojë në historinë e tij në fushën e futbollit.

Krenar për origjinën e tij dibrane, Henry e di mirë se kush e mbështeti atë deri në këtë fazë dhe nuk harroi ti përmend në postimin e tij në Instagram: “Dua të them faleminderit familjes sime që gjithnjë ishte aty për mua dhe dua të them faleminderit që gjithnjë më mbështetet mua dhe ëndrrat e mia. Ju dua. Skuadër e re, gola të rinj. Është koha që të bëj krenar të gjithë ata që më besuan”.