Kompania Marlotex shpk, e sipërmarrësit shqiptar në Francë Gazmend Toska, nën organizimin e Dhomës së Biznesit të Diasporës Shqiptare dhe me mbështetjen e ministrit të Shtetit për Diasporën, z.Pandeli Majko dhe Ministrisë së Arsimit ,Sportit dhe Rinisë, dhuroi ditën e sotme 720 maska tekstile për shkollën “Edit Durham” në Tiranë. Kjo iniciativë vjen si një mbështetje e sipërmarërsve shqiptarë të Diasporës për të kontribuar në shkëputjen e zinxhirit Covid-19.
Marlotex është nën-kontraktues i tekstilit me filial në Shqipëri, objektivi i tij është të ofrojë shërbimin më të mirë për konsumatorin nëpërmjet linjave të integruara të veshjeve në fushën e tekstileve të shtëpise, të brendshmeve, dhe të veshjeve të punës.
