Ditën e djeshme Universiteti i Stambollit publikoi listën e studentëve më të mirë, ku në 10 studentët e parë 8 ishin nga Shqipëria. Për herë të parë në historinë e këtij universiteti për shkak të notave të larta, është detyruar që të mos shpallë një të parë, por katër studentë të parë dhe të gjithë ata janë shqiptarë.

Me këtë rast, Ambasadori i Shqipërisë në Turqi, Kastriot Robo së bashku me Unionin Studentor Shqiptar në Turqi, ka organizuar një videokonferencë për t’u shprehur nga afër përgëzimet për rezultatet mjaft të mira dhe të shkëlqyera këtyre studentëve, duke i përgëzuar ata për ecurinë mjaft pozitive në proçesin mësimor dhe arritjet akademike të tyre.

‘’Me punën dhe përpjekjet tuaja, ju keni nderuar jo vetëm veten dhe familjet tuaja, por të gjithë shqiptarët dhe na bëni të ndjehemi krenarë’’, theksoi Ambasadori gjatë këtij bashkëbisedimi virtual, duke përsëritur thirrjen e kthimit të tyre në Atdhe, për të kontribuar në mënyrë thelbësore për zhvillimin dhe prosperitetin e vendit tonë.

Ambasadori shprehu gjithashtu interesimin e vazhdueshëm të Ambasadës në Ankara dhe Konsullatës së Përgjithshme në Stamboll për mbështetjen e këtyre studentëve shqiptarë që studiojnë në shkollat dhe universitet turke.

Përgëzojmë edhe njëherë studentët e graduar maksimalisht në këtë vit akademik në Turqi:

Alin Banka

Emiljo Mehillaj

Arlind Billa

Gerald Topalli

Xhoela Bame

Leonard Lala

Bianka Pajo

Alket Çiku

Sigela Muharremi

Alueda Kuka

Anda Skeja

Stela Muçaj