Ambasada e Zvicrës vazhdon që të jetë një aleat i fortë i Shqipërisë. Chantal Nicod, Drejtuese për Qeverisjen dhe Shëndetësinë, Ambasada e Zvicrës ka qenë në një takim në dy bashki, në Durrës dhe në Vlorë.
Ajo shprehet se Zvicra është krenare që mbështet bashkitë në Shqipëri për një kohë të gjatë, dhe se për të pasur bashki të forta, nevojiten jo vetëm fonde, por edhe një administratë e fortë.
“Bashki më të forta dhe shërbime cilësore për qytetarët” – kjo ishte tema e diskutimit gjatë një vizite në bashkitë e Durrësit dhe Vlorës këtë javë. “Zvicra është krenare që mbështet bashkitë në Shqipëri për një kohë të gjatë. Për të arritur bashki më të forta, nevojitet jo vetëm fonde dhe një administratë e fortë, por edhe të dëgjuarit e nevojave dhe prioriteteve të qytetarëve” – tha Chantal Nicod, Drejtuese për Qeverisjen dhe Shëndetësinë në Ambasadën e Zvicrës”.
Para disa ditësh, ambasadori zviceran Adrian Maître ishte në një vizitë në Gjirokastër dhe Dropull ku ishte shprehur:
“Dëshira ime është që Shqipëria të ndërtojë institucione efektive dhe kjo do të thotë edhe bashki të forta. Pjesë e kësaj është konsultimi i gjerë dhe i drejtpërdrejtë me publikun dhe palët, dhe të dëgjuarit e shqetësimeve dhe përvojave të qytetarëve dhe sektorit privat vendor”.
