Është ndarë nga jeta Shefqet Gavoçi, 102 vjeçari që emocionoi të gjithë shqiptarët pak muaj më pare teksa mori pasaportën shqiptare. Videoja e regjistruar nga nipi i tij Usama Gavoçi, ku i moshuari puthe pasaportën shqiptare u shpërnda gjerësish në rrjetet sociale
Gavoçi rridhte nga një familje patriotike me tradita të forta. Ai ishte djali i madh i imamit Sulejman Gavoçi, i cili ishte një luftëtar i shquar në luftërat kundër serbëve që u zhvilluan nga Shkodra në Tuz. Kjo familje, me shumë ndikim në Shkodër, u detyrua të linte qytetin e tyre të dashur pasi u përcoll nga përkrahësit e Mbretit Zog.
Në vitin 1946 u vendosën në qytetin e Damaskut, Siri. Ndërsa më vonë më shumë shqiptarë erdhën dhe u vendosën në të njëjtin fshat, i cili u bë i njohur si “Fshati Arnaout”, që do të thotë “Fshati shqiptar”.
Kur u vendosën në Siri, qeveria e Enver Hoxhës i hoqi familjes shtetësinë shqiptare.
Shumë dekada më vonë, në moshën 102 vjeçare, Gavoçi arriti të rrimerrte shtetësinë aq të dëshiruar shqiptare dhe pasaportën.
“Ai kurrë nuk e harroi origjinën e tij dhe me krenari thoshte se ishte shqiptar”, thotë nipi i tij.
Gavoçi është një shembull i forcës për të gjithë dhe është një shembull frymëzimi për kulturën dhe njerëzit e vendit të tij, pasi ai kurrë nuk u lodh duke ndihmuar popullin e tij për dekada të tëra.
Vitet e fundit të jetës ai I ndau mes Sirisë, Arabisë Sauditë dhe Suedisë.
Me poshtë disa foto në kohë të ndryshme, kortezi e Usama Gavoçi.
This man left communist #Albania for a better a life in #Syria. Once he left, Hoxha’s government stripped away his nationality.
Decades later, at 100 years old, he regained his nationality and an Albanian passport.
Welcome home! 🙏❤️pic.twitter.com/Zm5VMx7RwT
— Team Albanians (@TeamAlbanians) April 27, 2020
