Boksieri kosovar të shtunën, më 22 gusht, do të rikthehet në ring pas një pauze të gjatë.

“Robin Krasniqi do të rikthehet këtë të Shtunë në Ring, pas një pauze 15-mujore. Ky është edhe rikthimi në kategorinë e mëparshme, në gjysmë të rëndë”, ka njoftuar Krasniqi në profilin e tij në Facebook.

Kundërshtari i Krasniqit është 31-vjeçari nga Çekia, Stanislav Eschner.

Dueli do të zhvillohet në Magdeburg, në ambientet e hapura të “Seebühne Elbauenpark”.

Robin (Haxhi) Krasniqi ka lindur në Junik të Kosovës. Ai fillon të merret me sportet luftarake në moshën 15 vjeçare. Me talent dhe vullnet jashtëzakonisht të madh Krasniqi shënon sukseset e para në karate, u bë disa here kampion i Kosovës në këtë sport.

Në moshën 17 vjeçare Krasniqi i bashkohet familjes së tij në München të Gjermanisë. Aty vendosi të vazhdoj me boks, pa humbur shumë kohë u vë pjesë e klubit Boxfabrik në München, duke u stërvitur me trajnerë profesionistë.

Më 20.10.2005 zhvilloj ndeshjen e parë profesioniste në kategorinë gjysmë të rëndë në boks, të cilën e humbi, por ai nuk e humbi vullnetin për këtë sport. Krasniqi vazhdon stërvitjet në “Boxfabrik” dhe triumfon në duelin e dytë. Me 07.07.2007 Krasniqi luftoj kundër amerikanit Berry Butler i cili në atë kohë kishte një rekord prej 45 ndeshjesh dhe moshë shumë më të pjekur se kosovari, Krasniqi fitoi para 20.000 shikuesve në Cologne Arena të Gjermanisë.

Me 23 Tetor 2010 Krasniqi zhvilloj duelin e parë për klubin e madh gjerman SES dhe arriti fitore të bindshme ndaj bjellorusit Kanstantin Makhankou.