Alejtin Berisha, një tjetër sipërmarrës shqiptar në “Forbes”. Ai është vlerësuar për risitë që po sjell në sistemin arsimor si themelues i “Shkollave Finlandeze Ndërkombëtare” dhe “Shkollave Finlandeze Ndërkombëtare Online”.
Sipërmarrësi shqiptar njihet për investimet e tij në mbështetje të kompanive start-up inovative për arsimin në të gjithë botën. Të numëruara bashkë, Berisha ka themeluar apo është pjesë e institucioneve që u shërbejnë mbi 15,000 studentë në vit.
Në një intervistë për revistën Forbes, ai tregon rrugëtimin e tij drejt karrierës së suksesshme në sipërmarrje.
Pjesë nga shkrimi i Forbes:
Alejtin Berisha është sipërmarrës nga Kosova i cili po ndryshon peizazhin arsimor në të gjithë globin, si brenda dhe ashtu edhe përmes ekosistemit të mësimit online. Berisha është Themeluesi i Shkollave Finlandeze Ndërkombëtare dhe Shkollave Finlandeze Online.
Këto programe janë një rrjet ndërkombëtar inovativ i shkollave i ndërtuar mbi një nga praktikat më të admiruara të arsimit në botë: Sistemi finlandez i arsimit.
Duke punuar me disa nga mësuesit më të mirë dhe me teknologjinë më të fundit, Berisha solli kurrikulën e tij me bazë finlandeze.
Qëllimi i tij i fundit me këtë projekt është të arrijë një audiencë ndërkombëtare për t’iu siguruar të rinjve arsimim më kreativ, të personalizuar dhe të jetës reale.