Artistja nga Ferizaj, Egzona Alishani ka vetëm tre vite që jeton në Zvicër dhe sapo ka marr një rol të rëndësishëm në një produksion zviceran.
Alishani nuk është një emër i panjohur për skenën dhe ekranin shqiptar, ajo ka luajtur shume role në teatër e në seriale vendase, deri para një viti edhe pse shtatzënë ishte e angazhuar në serialin “O sa mirë”.
“Gjithmonë e kam pasur në qëllim hapin internacional në karrierën artistike , kjo s’ka qenë vetëm dëshirë, por ka qenë një ndjenjë që ka jetuar me mua, e megjithatë se kisha menduar kaq shpejtë, por është edhe bashkëshorti im Fatlindi, ai që i jep hapave të mia porcionin e duhur të guximit.
E nisa hapin internacional në vendlindjen e djalit tim. Ky fakt është bërë një medaljon fati në vullnetin tim. Filmi i ri quhet “The art of love” dhe është në regjinë e regjisorit të njohur Philippe Weibel.
Kemi filluar me provat dhe çdo gjë po shkon me ambicie dhe entuziazëm të madh. Kemi shumë punë para vetes por atmosfera e mirë nuk po mungon asnjë çast”.
Egzona nuk është penduar asnjëherë për profesionin e saj. Profesioni im si artiste më ka falur momentet më të bukura në jetë.
Egzona ka lindur në Gjermani, shkollën e ka kryer në Kosovë. Ajo mban kujtime të bukura edhe nga bankat shkollore të Tiranës.
Është diplomuar si artiste në Prishtinë në klasën e artistit të njohur profesor Luan Jahes.