Në vitin 2011 filmi Piratët e Karaibeve do të ishte një sukses ndërkombëtar, por atë kohë pak kush e dinte se mes sirenave ishte dhe një shqiptare, Antoinette Kalaj. Kjo do të ishte eksperienca e parë në ekranin e madh e aktores me origjinë shqiptare.

E lindur dhe rritur në Bronx, në një familje emigrantësh shqiptar kur ishte në moshën 11 vjeçare familja e saj vendoset në Detroit, Michigan për shkak të punës së të atit, aty Antoinette dha shenjat e para të një ylli kinemaje. Jo vetëm kaq, por zbuloi se muzika ishte gjithashtu ëndrrat e saj.

Kur ishte 17-vjeç, ajo filloi të merrej me modeling dhe ja doli të realizonte fushatën e saj të parë për markën e rrobave ‘The Limited’.

Ky, dukej të ishte vetëm fillimi për një nga vajzat më të pasura shqiptare. Gjatë kohës që jetonte në Michigan, ajo nisi të merrte leksione aktrimi.

Nuk vonoi shumë dhe Kalaj u shfaq tek “Pirates of the Caribbean: On Stranger Tides”, në rolin e sirenës, ku spikati dhe vendosi t’i përkushtohej aktrimit me kohë të plotë duke u zhvendosur në Los Angeles.

Projekti i radhës për të do të ishte ai në serialin e famshëm të “Gossip Girl”.

Filma të tjerë në të cilat ka marrë pjesë shqiptarja e lindur në Amerikë janë “Don Jon” në 2013-in krah aktorit Joseph Levitt dhe “Riddick” me Vin Diesel.

Antoinette duket se ja ka dalë të tërheqë vëmendjen edhe të presidentit Trump i cili vetëm pak kohë më parë e uroi publikisht.