Shaqir Ramë Shala, sipërmarrës dhe pronar i disa restoranteve dhe hoteleve në Gjermani, në një intervistë tregon për situatën e Covid-19, rifillimin e punës dhe masat e marra në fushën e hotelerisë dhe gastronomisë në Gjermani.

Ai është shprehur se:

“Pandemia na ka kapur shumë keq, por tashmë kemi filluar që të punojmë duke respektuar masat e duhura.

Klientët në restorantin tonë vijnë me maska dhe presin deri në momentin që shkon kamarieri për ti udhezuar se ku duhet të ulen.

Pasi zënë vend ata i heqin maskat. Në momentin që dikush ngrihet nga tavolina, qoftë edhe për nevoja personale duhet që të vendosë maskën.

Të 14 punëtorët që kemi në restorant, punojnë me maska dhe bëjnë gjatë gjithë kohës dezinfektim duarsh si dhe larje duarsh.

Sa është reflektuar situata tek restorantet? A ka rënë klientela?

Për momentin në hapësirën jashtë kemi vend për 95 persona, ku normalisht ruhet distanca.

Gjithashtu kemi edhe shumë kontrolle nga shteti që vijnë dhe shikojnë nëse po zbatohen masat apo jo.

Gjëja që kërkohet më shumë është formulari ku duhet emri, adresa, numri i celularit të çdo klienti që ka vizituar restorantin.

Formularët duhet të mbahen 4 javë dhe më pas mund të hidhen.