Nikoll Prendi është vetëm shtatë vjeç dhe ka një aftësi të veçantë, të mësuarit përmendësh. Ai ka mundur që të mësojë dhe të recitojë 3 mijë vargjet e kryeveprës së Gjergj Fishtës, “Lahutën e Malcisë”.
Ai është takuar sëfundmi me pasardhësit e At Gjergj Fishtës, që nga gjaku i origjinës së Fishtës në Domgjon të Mirditës të cilët janë të mahnitur nga aftësia e tij.
Në nëntor të vitit të kaluar Nikoll Prendi mori pjesë në Festivalin e Parë Folklorik Shqiptar në Londër, Angli ku recitoi poemën epike të Fishtës.
Një Fishtë i vogel,në gjurmet e Fishtes të Madh.Me vargjet e Fishtes, përshendeti 7 vjeçari Nikoll Prendi, Festivalin e Parë Folklorik Shqiptar në Londer Angli. 7 vjeçari fenomen, ka konkurruar për të qenë pjese e nje emisioni me emer në Tv Klan, ku Nikolla është prezantu me 2600 vargje të Fishtes, që i interpreton pa u ndalur. Suksese Fishta i vogel !Në vidio 7 Nikoll Prendi në krah të Besnik Paci, (i familjes të origjines të Fishtes), në vidion pershendetese, derguar në festivalin folkorik shqiptar në Londer., ku në at festival u interpretu një këngë për Homerin Shqiptar, nga artistja atdhetare Nertila Haxhia.
Gepostet von Vllaznit Domgjon am Sonntag, 10. November 2019
Lahuta e Malcís konsiderohet si kryevepra e Át Gjergj Fishtës të cilën autori filloi të e shkruante nga vitit 1905 duke e përfunduar në vitin 1937.
Epopeja Lahuta e Malcís përshkruan luftërat e dy brezave, mirëpo këngët e saj më tepër tregojnë ngjarje të veçanta. Ajo nuk është një poemë që ka një veprim kryesor dhe një hero kryesor, siç janë eposet e mëdha.
Kryevepra e Gjergj Fishtës, Lahuta e Malcís, është e papërsëritshme në letërsinë shqipe për shprehjen në mënyrë të sistemuar të qenësisë shqiptare dhe për shprehjen gjuhësore letrare me pasuri të leksikut me figurën e moralitetin e saj të provuar si dëshmi e jetës në gjuhë. Vargu i veprës, një tetërrokësh, i përgjasuar me vargun më të njohur popullor shqip, nuk është vetëm ky që e bëri veprën kaq të popullarizuar që në nismë.
Kjo vepër ka një histori të gjatë të shkrimit e të leximit që kanë ndikuar në njëra tjetrën. Është e ditur që Fishta kishte më tepër ambicie me lirikat dhe format e saja artistike. Madje këngët e para të Lahutës i botoi si këngë popullore. Po lexuesi shqiptar i priti këto më fuqishëm se krijimet e tjera të tij. Në këtë mënyrë shija e lexuesit, tani si kërkesë e ambientit, u bë frymëzim i ri për vazhdimin dhe mbarimin e veprës. diasporashqiptare.al
