Dhjetra shqiptarë me banim në ishullin Staten Island, në Nju Jork i’u bashkuan protestuesve nga ky ishull, të cilët ishin mbledhur në një marshim duke qëndruar, para Stacionit të Policisë 122th Precinct – New Dorp Staten Island, të Mërkurën në mbrëmje, për të treguar mbështetjen e tyre për departamentin e policisë së Nju Jork-ut – NYPD.

Marshimi u quajt “Tubimi Boost Blue Morale” dhe ishte i organizuar nga artisti i njohur I këtij ishulli Scott LoBaido.

Kësaj proteste i’u bashkëngjitën edhe dhjetra shqiptarë me banim në Staten Island, të drejtuar në këtë marsh nga aktivistët e Organizatës Rrënjët Shqiptare, Presidenti i saj, zoti Marko Kepi – ish kandidat për partinë republikane në Staten Island, për Asambleist në shtetin e New York-ut, dhe kolegët e tij.

Grupi i shqiptarëve ishte më i madhi ndër komunitetet. Nëpërmjet një megafoni brohorisnin dhe hidhnin parulla vazhdimisht: “Komuniteti Shqiptar mbështet NYPD”, “ Policia është Zemra Jonë” – “ Shqiptarët, mbështesin Policinë”- “ Ju Faleminderit Heronjve”- “ Ju jeni Heronjtë Tanë” e tjera.

Ndërsa kalonin makinat e tyre, protestuesit përshëndetnin me boritë e tyre në një përpjekje për të rritur moralin e oficerëve, pas më shumë se një muaj protestash kundër të ashtuquajturës brutalitetit të policisë, duke marr shkas vdekjen e 46 vjeçarit George Floyd në Mineapolis.

Protestat e BLM dhe Antifa, organizuar dhe udhëhequr nga grupet e ekstremit të majtë në SHBA, kanë vazhduar në të gjithë vendin që nga vdekja e George Floyd më 25 maj – pasi një oficer policie në Minneapolis, vendosi gjurin e tij, në qafë të George Floyd, për gati tetë minuta.

Atyre protestave që për fatkeq, menjëherë u shndërruan në një “sulm” ndaj policisë amerikane, qeverisë amerikane dhe Presidentit Trump, me vandalizma, dhe deri në plaçkitjen e pronave private, u mbështeten edhe nga disa grupe të rinjve e të rejave shqiptar, dhe, disa nga prindërit e tyre në rrjetet sociale, me formim dhe edukim majtist nga Staten Island – NYC.

Ndërkohë, ai që thirri këtë protestë në rrjetin social Tweeter dhe Facebook, LoBaido, tha se tubimi nuk ishte menduar të drejtohej në lëvizjen “Çështja e të Zezëve, është e Rëndësishme – Black Lives Matter “, dhe, se ai beson në premisën qendrore që jeta e njerëzve të Zi duhet të kuptohet se ka rëndësi në Amerikë.

LoBaido shtoi se tubimi kishte për qëllim vetëm të tregonte mbështetje për policinë, amerikane kudo në SHBA.

“Kam rreth shtatë policë në familjen time. Kam rreth 10 policë në pension në familjen time. Ata janë të gjithë njerëz të mirë, “tha ai. “Kjo ka të bëjë vetëm me tregimin e dashurisë dhe mbështetjes, respektit që na duhet.”

Siç dihet Protestat më të fundit kanë ngjallur edhe hapat më të dukshëm drejt reformës policore në zyrat e qeverisë amerikane.

Në New York City, buxheti i NYPD ishte zvogëluar për Vitin Fiskal 2021, dhe ligje të shumta kanë kaluar në nivelin e qytetit, shtetit dhe federatës që synojnë reformimin e departamenteve.

Të gjithë u referuan atë që ata e perceptojnë si një qytet në kaos pas një sulmi prej 46% në të shtënat këtë vit në krahasim me të njëjtën periudhë të vitit të kaluar në New York City.

Ata i vunë gishtin demokratëve të zgjedhur të cilët kanë udhëhequr përpjekjet për të reformuar departamentet e policisë së vendit.

LoBaido solli në protest portretin e tij në një pikturë dedikuar simbolikisht kryetarit të bashkisë së New York City, Bill de Blasio që artisti e përshkruan atë mbi një gomar duke qëndruar mbi një “grope” në tokë….

Asnjë nga politikanët demokratë, nuk ofroi zgjidhje për shqetësimet e ngritura në lidhje me sulmet ndaj policisë, deri tani, tha LoBaido, një përkrahës i flaktë i Presidentit Donald Trump, i cili shtoi që ai ishte në favor të hapave të presidentit Trump, drejt reformës policore.

Duhet theksuar se aktualisht në uniformat blu të New York City shërbejnë më shumë se 300 djem e vajza shqiptar.

Nga Beqir Sina