Sopranoja shqiptare Ermonela Jaho, me banim në New York, ka bërë të ditur lajmin për publikimin e albumit të saj të ri “Anima Rara”.
Ajo zbuloi për publikun se albumi recital debutues do të dalë në treg më 25 shtator 2020. Jaho është përshkruar si “sopranoja më e vlerësuar në botë” (The Economist) dhe “një nga interpretueset e më të shquara të epokës verismo” (The Guardian).
Ermonela Jaho ka lindur në vitin 1974 në Tiranë. Ajo u largua në vitin 1993 nga Shqipëria për në Itali me një bursë studimi, dhe më pas iu desh ta realizojë ëndrrën e ngjitjes në skenë, përkrah artistëve të huaj.
Pas përfundimit të studimeve për këndim dhe piano, ajo fitoi disa konkurse të rëndësishme, të tilla si: Giacomo Puçini në Milano Itali më 1997, Spontini International Ancona, Itali më 1998, në Rovereto Zandonai, Itali më 1999, këngëtarja më e mirë e Festivalin Wexford më 2000.
Në një intervistë ajo shprehet:
Kur unë isha fëmijë, ëndërroja që të bëhesha një këngëtare në Opera. Kam kënduar “La Traviata” rreth 300 herë dhe sërish më jep shumë emocione pasi çdo ditë ne jemi ndryshe, dhe çdo ditë ne e shikojmë jetën ndryshe.
