Dita e sotme në Kroaci është ditë votimesh, në këto zgjedhje garojnë edhe kandidatë shqiptarë që pretendojnë për një vend në parlament. Dy ndër kandidatët janë Ermina Lekaj Prljaskaj dhe Idriz Sulejmani.
Më shumë se 6.500 vendvotime në të gjithë Kroacinë u hapën në orën 7 të mëngjesit të ditës se sotme për zgjedhjet e legjislaturës se 10-të kombëtare, dhe ato do të mbyllen në 7 pasdite.
Idriz Sulejmani është me prejardhje nga Maqedonia, ka lindur dhe jeton në Republikën e Kroacisë në qytetin turistik, Borich. Është hera e tretë që po kandidon në zgjedhje ku herën e parë ka humbur për vetëm 3 vota. Ai është i bindur që këtë herë është e treta e vërteta, madje shprehet se do të fitojë bindshëm.Në këto zgjedhje ai vjen si kandidat i pavarur.
Ermina Prlaskaj është shqiptare nga Hasi dhe rikandidon për të hyrë në parlament për herë të tretë pasi deri më tani dy mandate i ka fituar.
Kandidati i trete eshte Habib Tahiri. Ai ka lindur në Mitrovicë ndërsa jeton në qytetin Novska që nga viti 1991. Habib Tahiri, me profesion është teknik i lartë mjekesor.
Procesi i sotëm i votimit ne Kroaci bëhet në përputhje me masat për mos përhapjen e CoVid019. Anëtarët e komisioneve të votimit do të duhet të mbajnë një distancë prej 1.5 metrash nga njëra-tjetra dhe të veshin maska për fytyrën. Gjithashtu është rekomanduar që ata të veshin doreza, si dhe të dezinfektojnë rregullisht duart.
Para hyrjes në qendrën e votimit, votuesit do të duhet të dezinfektojnë duart e tyre. Rekomandohet të veshin maskat e tyre në vendvotime, si dhe të sjellin stilolapsat e tyre, edhe pse kjo nuk është e detyrueshme. Ata do të hyjnë në vendvotimin një e nga një.
Personat që janë të prekur me CoVid-19 do të votojnë gjithashtu, por me prokurë.
Aktualisht janë 830 persona të diagnostikuar me këtë infeksion në vend dhe 30 prej tyre kanë bërë kërkesë për të votuar.
Atyre u mundësohet të votojnë me prokurë, një person tjetër i besuari tyre do të plotësojë fletëvotimin ashtu siç udhëzohet nga personi i infektuar . Një anëtar i komisionit të votimit do të vijë para shtëpisë ose apartamentit të tyre, pa hyrë në kontakt të drejtpërdrejtë me personin e infektuar. Personi i besimit do ta plotësojë votimin, do ta vendosë atë në një zarf dhe do t’ia kthejë anëtarit të komisionit të votimit jashtë banesës.
Komisioni Shtetëror Zgjedhor (DIP) deklaroi të Premten nga më shumë se 4,000 njerëz aktualisht në izolim pasi ishin në kontakt me raste pozitive të COVID-së, dhe 476 prej tyre kishin aplikuar për votim në zgjedhjet parlamentare të së Dielës. Kjo do të thotë që 10% e personave të izoluar kanë bërë kërkesë për të votuar.
Ekzistojnë 3.86 milion votues të ligjshëm që zgjedhin 151 deputetë parlamentarë: 140 në dhjetë zona elektorale, tre në një elektorat të dizajnuar për komunitetin e mërgimtarëve, dhe tetë në Kushtetutën Nr 12, të destinuara për pakicat etnike, që është tre për përfaqësuesit serbë dhe pesë për një pakicë tjetër etnike.
Përveç votimit në Kroaci, gjithashtu janë vendosur vendet e votimit për komunitetet e huaja jashtë vendit ku do të votojnë pothuajse 185 000 kroatë që jetojnë jashtë vendit.
Po ashtu organizohen qendra të veçanta votimi për personelin e ushtrisë në detyrë, ekuipazhet e anijeve, si dhe për përfituesit e shtëpive të pensionit dhe në burgje.
Rreth 75,000 punonjës janë duke u angazhuar në organizimin e zgjedhjeve, të cilat do të vëzhgohen nga rreth 8.500 monitorues.
Rezultatet paraprake të zgjedhjeve do të publikohen në faqen e internetit të DIP, duke filluar nga ora 9 pas mesdite se stome dhe ato do të përditësohen çdo 15 minuta.
