Një grup sipërmarrësish shqiptarë që jetojnë në Conegliano (Treviso), i kanë dhururar rajonit të Venetos në Itali 11 mijë euro në shenjë solidariteti që ky vend po kalon si pasojë e pandemisë së Covid-19.
Guvernatori i rajonit të Venetos, Luca Zaia në një postim në rrjete sociale, ka vlerësuar gjestin e tyre duke shkruar “kanë treguar një ndjeshmëri të lartë dhe solidaritet për Italinë e për Veneton”.
Sipërmarrësit shqiptarë janë shpeshherë aktivë në jetën social-kulturore të komunitetit shqiptar.
Më herët, ata kanë ndihmuar në hapjen e shkollës shqipe për fëmijët e emigrantëve.
Në Conegliano prej vitesh jeton një komunitet i madh shqiptarësh.
