Diaspora Shqiptare në Gjermani i ka dhuruar Ministrisë e Shëndetësisë në Shqipëri materiale spitalore për të kaluar këtë periudhë të vështirë në të cilën ndodhet vendi ynë.
Në këtë mënyrë, është finalizuar me sukses donacioni “Lufta kundër COVID-19” nga Besnik Kelmendi & H. Schnatmann.
Në këtë donacion përfshihen shtretër të kompletuar me dyshekë e komodina, vlera totale e të cilave shkon në më shumë se 100.000 euro. Ministrja e Shëndetësisë, Orgeta Manastirliu ka falenderuar z. Besnik Kelmendi & z. H. Schnatmann dhe Oliver Duraku për ndihmën e dhënë në kuadër të luftimit të COVID-19.
Së pari dua t’i shpreh ngushëllimet e mia më të sinqerta familjarëve të viktimave dhe shërim sa më të shpejtë gjithë personave të infektuar. Dëshiroj të përshëndes shtetin shqiptar për masat shtrënguese që ndërmori në kohë për parandalimin e pandemisë dhe shpresoj shumë që kjo situatë të përfundojë 1 orë e më parë për të gjithë dhe çdo gjë t’i rikthehet normalitetit.
Dëshiroj të theksoj se mbështetja ime për popullin shqiptar do të jetë e vazhdueshme dhe do t’i gjendem gjithmonë pranë në rast nevoje. – u shpreh Kelmendi.
NUk është hera e parë që Besnik Kelmendi dhe z. H. Schnatmann ndihmojnë Shqipërinë. Ato ju gjendën pranë vendit tonë edhe pas tërmetit të 26 nëntorit duke dhuruar plot 350.000 euro materiale spitalore. Në total, kontributi i z. Kelmendi & z. H. Schnatmann shkon në 450.000 Euro.
