Në mjediset e Bibliotekës Kombëtare të Kosovës “Pjetër Bogdani” është nënshkruar Marrëveshja e Bashkëpunimit midis kësaj biblioteke dhe Qendrës së Studimeve dhe Publikimeve për Arbëreshët (QSPA).

Marrëveshja është nënshkruar nga Prof. Diana Kastrati, drejtoreshë Ekzekutive e QSPA-së dhe z. Fazli Gajraku, drejtor i Bibliotekës Kombëtare të Kosovës.

Në bazë të kësaj marrëveshjeje, pritet që të dyja institucionet të bashkëpunojnë për shkëmbimin e literaturës shkencore në funksion të hulumtimit të autorëve dhe të të dhënave mbi Arbëreshët.

Gjithashtu, në qendër të marrëveshjes është edhe koordinimi në aspektin shkencor e profesional, në fushën e digjitalizimit të veprave mbi Arbëreshët, si dhe të veprimtarive të përbashkëta kulturoro-shkencore, mes të cilave shihet me përparësi promovimi i veprimtarive me karakter bibliografik, ekspozitave e botimeve.