Muzeu Historik dhe Etnografik në Krujë ka njoftuar se gjatë periudhës 3 qershor- 31 gusht do të ketë ulje të çmimeve.

Gjatë kësaj periudhe, çmimet e biletave elektronike dhe manuale në muzetë e Krujës ndryshojnë.

Kështu, çmimi i biletës për hyrjen në muzeun “Gjergj Kastrioti Skënderbeu” tani është 300 lekë, për Muzeun Etnografik Krujë bileta të reduktuara 50-70% për vizitorë të kategorive të ndryshme si pensionistë, studentë dhe bileta falas për fëmijët deri 12 vjeç.

Gjatë tre muajve, qershor, korrik dhe gusht hyrja të dielave do të jetë falas për të gjithë.

Çmimi i biletës është 200 lekë për person. Të gjithë të interesuarit, muzetë e Krujës mund t’i vizitojnë çdo ditë (e hënë-e dielë) 09.00 -18.00.

Një ditë më parë Ministrja e Kulturës, Elva Margariti deklaroi se gjatë verës 2020 cmimet e reduktuara do të aplikohen në të gjitha muzetë e vendit. “Qytetarët do të kenë mundësi të vizitojnë sitet e trashëgimisë kulturore me çmime më të ulëta”, tha ajo.