1 Qershori është dita ndërkombëtare e mbrojtjes së fëmijëve, ku vëmendja e prindërve dhe shoqërisë drejtohet tek të drejtat dhe mirëqenia e tyre.
Ambasada e Hollandës në Shqipëri është bërë pjesë e kësaj dite speciale nëpërmjet një donacioni për ata fëmijë që u janë prekur prindërit nga kriza e pandemisë globale Covid-19.
Së bashku me Food Bank Albania, ambasadorja Gussje Korthals Altes ka vendosur të dhurojë artikuj portokalli, në ngjyrën e solidaritetit.
”Ne besojmë fuqimisht se fëmijët meritojnë të jenë të lumtur, të shëndetshëm dhe të sigurt’’, shkruan Ambasada e Hollandës në Shqipëri në faqen e saj zyrtare në Facebook.
