Ambasadorët e Bashkimit Europian zhvilluan një takim ditën e sotme ku tema e diskutimit ishte plani i hapjes së kufijve në datën 1 korrik.

27 vendet anëtare nuk kanë arritur të bien dakord pasi një pjesë prej tyre janë të shqetësuara ndërsa pjesa tjetër dëshiron një hapje më të shpejtë.

Mediat ndërkombëtare shkruajnë se është Brukseli ai i cili po mendon të mos hapë kufijtë për vendet të cilat kanë numra të lartë të të infektuarve.

Në këto vende bëjnë pjesë Rusia, Shtetet e Bashkuara të Amerikës, India, Peruja, Brazili, Irani, Kili,  Panamaja apo Arabia Saudite. Mbetet për t’u parë se çfarë do të ndodhë deri javën e ardhshme derisa të 27 vendet duhet të bien dakord.

Situata e krijuar si pasojë e Covid-19 solli mbylljen e kufijve, si një nga masat e parandalimit të përhapjes së infektimeve.