Në një intervistë të dhënë për “La Gazzetta dello Sport”, sulmuesi i Kombëtares, Rei Manaj ka thënë se në të kaluarën ka bërë shumë gabime. Sulmuesi ka thënë se kur ishte te Kremoneze, nuk i thoshin gjë shokët e skuadrës, sepse e kërkonin klubet e mëdha.

“Kur isha te Interi, prindërit më thoshin të isha i përulur në punën  që unë bëja. Unë nuk e kuptoja sa e rëndësishme ishte kjo. Kur më thoshin për disa gjëra “Mos i bëj”, unë gaboja. Unë nuk mund të them gjërat më të këqija, por te Kremoneze për shembull, kam bërë shumë gabime. Zihesha me masazhatorët nëse nuk më masazhonin mua të parin.

Debatoja me shokët e mi të skuadrës dhe askush nuk më thoshte dot gjë sepse po më kërkonin të gjitha klubet e mëdha, madje edhe Mançester Junajtidi. Xhixhi Simoni më donte mua, ishte një person i veçantë. Flas shpesh me Preisiçin. Unë kam qenë një lojtar i Interit dhe u gëzova kur fituan titullin”, tha Manaj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.