Është një mision i vështirë ai i shkrimtarit. Është zotuar të rrëfeje histori (dhe mirë madje), ndjesi, të analizojnë, të parashikojë disi, të hedhë ide e mbi të gjitha të mbushë shpirtin e lexuesit. Atij lexuesi besnik që e ndjek në gjuhën e nënës, por edhe të atij lexuesit tjetër, kurioz të njohë një kulturë tjetër apo një mendësi ndryshe.
Për autorin shqiptar nevoja e të shprehurit ka qenë ndoshta edhe më madhe për shkak të izolimit 40 vjeçar, nevoja për ti rrëfyer botës atë histori që e panë vetëm për së brendshmi, për të treguar se ccafrë mund ti ndodhe një shoqëri dhe sidomos individit brenda një sistemi të tillë. Por edhe për atë që vjen më pas, për shpresat, për ëndrrat. Krijimtari aritistike, ese analiza publicstikë, çdo formë ishte e pranueshme për tu shprehur. Dhe të shumë ishin autorët që rrëfyen dhe analizuan. Në Shqipëri dhe jashtë, në gjuhën shqipe dhe në gjuhën e vendeve mikpritës. Sot 30 vite më pas domosdoshmëria për të njohur e kuptuar historinë (në të gjitha dimensionet) është e pranishme. Për ata që e jetuan, dhe për ata që erdhën me pas, e sidomos për ata që u lindën dhe formuan jashtë kufijve të Shqipërisë.
Në ditën Botërore të librit, 23 prillin “AlbaniaNews.it” prezanton një iniciativë që synon krijimin e hapësirë në botën virtuale kushtuar librave që flasin për Shqipërinë ose shkruara nga autorë shqiptarë. E veçanta? Janë në gjuhën italiane.
Sipas Olti Buzit, një prej themeluesve të “AlbaniaNews.it”, kjo synon të jetë një platformë operative në internet, me përdorim të madh jo vetëm për studiuesit por edhe për publikun italian që ndjek ngjarjet shqiptare – një seksion kushtuar librave që flasin për Shqipërinë ose shkruara nga autorë shqiptarë, në mënyrë rigoroze në italisht të cilën e quajtën “Albania Letteraria”.
Mund ta konsultoni në https://libri.albanianews.it
Deri më sot, “Albania Letteraria” ka një bazë të dhënash me 330 autorë dhe 570 libra të regjistruar, një punë e vyer për mbledhjen e informacionit mbi autorët dhe botimet e reja të librave në italisht nga autorë shqiptarë ose për Shqipërinë.
Përveç bazës së të dhënave, ideja është që kjo hapësirë të bëhet një vend për të pritur recensa, klasifikime dhe lajme mbi ngjarjet e organizuara në territorin italian ose online, për të organizuar ngjarje promovuese siç ishte rasti me eventin e parë ku diskutuan Denata Ndreca dhe Arbër Agalliu me të ftuarin Livio Muci, Besa Muci Editore, për të sponsorizuar ngjarje në lidhje me librat, gjithmonë në bashkëpunim të ngushtë me “Albania Neës”.
“Një javë më parë vendosëm të zgjerojmë publikun, për të qenë më pranë lexuesit duke krijuar edhe faqen në Facebook të Albania Letteraria. ( për ta ndjkeur kliko https://www.facebook.com/albania.letteraria). Deri më tani, janë rregjistruar më shumë se 600 njerëz” shpjegon Buzi.
“Kemi filluar një rrugë që e kemi bërë në të kaluarën, por që tani na sheh me një ide më të qartë, më të synuar, për të promovuar më mirë letërsinë shqiptare dhe migruese në Itali”, përfundon Buzi duke i ftuar autorët italishtfolës të bëhen pjesë e këtij projekti, për të rrëfyer Shqipërinë dhe autorët e saj të gjithë së bashku.
Nëse dëshironi të kontribuoni në këtë projekt të shkruajnë në adresën e postës elektronike [email protected].
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
