Sot është Dita Ndërkombëtare e Gjuhës Amtare dhe festohet në mbarë botën. Mësuesit e shkollës shqipe në Zvicër kanë realizuar një video nëpërmjet së cilës shprehin rëndësinë e të mësuarit gjuhën amtare.

Qefsere Sejdiu, mësuese në shkollën shqipe në Zvicër tregon se sa e rëndësishme është të kultivohet gjuha amtare: “Kjo ditë na kujton shërbimin tonë ndaj gjuhës shqipe. Gjuha e nënës, gjuha e të parëve tanë, gjuha mbron identitetin tonë kombëtar, ndaj duhet të kemi kujdes që fëmijët ta mësojnë me kujdes gjuhën shqipe, sepse në këtë mënyrë mbrojmë identitetin”.

Edhe mësues Ardjan Shaqiri shprehet se sa e rëndësishme është energjia që shpenzohet për mësimin e gjuhës shqipe: “Duhet të mbledhim energjitë tona dhe të mësojmë gjuhën shqipe”.

Me hapjen e vazhdueshme të shkollave shqipe në Zvicër dhe përmes kësaj videoje që tregon përkushtimin e mësuesve dhe angazhimin e prindërve e fëmijëve të Diasporës shqiptare për të ruajtur traditën dhe kulturën përmes gjuhës amtare, le ta inkurajojmë njëri-tjetrin për ta përçuar ndër breza gjuhën tonë të veçantë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.