Universiteti i Salentos në Leçe të Italisë ka përfshirë edhe Shqipërinë në programin Erasmus me qëllim shkëmbimet ndërkulturore për dy vitet e ardhshme me Universitetin e Vlorës.

Krahas Shqipërisë, përfshihet edhe universiteti i Kazakistanit “Al-Farabi” dhe “Jinan” në Guangzhou të Kinës.

Bëhet fjalë për rreth 30 shkëmbime që do të jenë mes mësuesve, stafit tekniko-administrative dhe studentët e katër universiteteve falë një granti të marrë nga programi i Bashkimit Europian, Erasmsu + KA107.

Nga Universiteti i Salentos do të përfshihet stafi i departamenteve të Inovacionit, Shkencave Biologjike, Mjedisit dhe Teknologjive dhe shkencave humane.

Gjatë takimit online drejtorët e deparatamenteve të universitetit të Salentos dhe drejtorët e departamentit të shkencave humane dhe gjuhëve të huaja të Universitetit të Vlorës, bashkë me ata të dy universiteteve të tjera në Kazakistan dhe Kinë folën për bashkëpunimin mes partnerëve të projektit që në fakt vitet e fundit ka pasur një fluks intensiv të shkëmbimit të studentëve dhe stafit dhe aktivitete kërkimore.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.