Shfaqja “Planeti i Gjelbër” i autores Arife Haliti vënë në skenë nga artisti Diar Xani u shfaq pak ditë më parë në hapësirat e Qendrës Kulturore në Greenwich Connecticut, SHBA. Një premierë e cila u bë e mundur falë organizimit të “Albanian Youth Center” dhe drejtuesit të saj Richard Lukaj.
“Shfaqja është një monodramë që luhet me një aktor dhe shumicën e gjërave me është dashur ti bëj vetë por me ndihmën edhe të disa kolegëve me të cilët kam pasur shume konsultime”, thotë për “Diellin” Xani.
Ideja dhe qëllimi i dramës për fëmije “Planeti i gjelbër” është që të prezantojë dhe të ndërgjegjësojë fëmijët me temat e rëndësishme ekologjie.
Planeti toke çdo ditë e më shumë po përballet me ngrohjen globale. Edhe pse vetëdijshëm për këtë, asnjëherë nuk janë marre masa konkrete qe një gjë e tille te këtë zgjidhje të përhershme. Ajri i ndotur, tymi, djegiet e ndryshme te cilat shkaktohen nga vete njeriu, ka ndikuar qe shëndeti ynë të vihet në rrezik. Shumica e njerëzve si pasoje e ajrit të ndotur vuajnë nga sëmundjet e organeve të frymëmarrjes, përkatësisht te mushkërive. Prandaj, ideja dhe qëllimi i kësaj drame është thirrje për sensibilizim të të gjithë njerëzimit, pa marre parasysh moshën, gjininë, përgatitjen intelektuale dhe përkatësitë tjera identitare që të kujdesemi për ambientin ku jetojmë dhe veprojmë. Kjo ide përçohet nga personazhi e dramës i cili si mision e tij human ka marre përsipër t’i prezantoj demet e cilat ia shkakton ajri i ndotur planetit tone, dhe te gjejë zgjidhje dhe mënyra qe një gjë e tille të hiqet apo edhe të reduktohet, ashtu që i gjithë njerëzimi të jetoj në një ambient me te pastër ku e gjelbër është kryefjala e çdo mjedisi i cili na rrethon.
“Fëmijët kanë qenë tepër të kënaqur dhe të interesuar për këtë shfaqje, madje pas përfundimit me kanë bërë shumë pyetje. Mendoj qe mjaft më me koncerte dhe me këngëtar e me kënge të njëjta që nga pas lufta asgjë nuk po ndryshon, mendoj që asgjë s’po ka te re, asnjë organizim me ndryshe. Të gjitha shoqatat përgatitjet dhe eventet po i bejnë të njëjta në shumicën e vendeve të Diasporës prandaj mendoj që rinia ose fëmijët duhen që të ketë edhe një pikpamje me të gjerë se sa ajo. Unë shpresoj se shumë shpejt do të vazhdoj projektin dhe do ta shfaq edhe nëpër shumë vende apo shkolla ku ka fëmijë shqiptar, do të bej workshope apo puntori me fëmijët si dhe pas kësaj edhe shpresoj se do të punoj bashkë me fëmijët e disa shkollave që të bëj ndonjë shfaqje bashkë me ta e që në të ardhmen të kenë pse jo teatrin e të rinjve në New York. Ata kanë nevojë të shohin shfaqje, ata kanë nevojë të luajnë (aktrojnë), të kuptojnë se çfarë është teatri, çfarë është aktrimi, çfarë është regjia etj etj”, përfundon Xani.
Shfaqjen patën mundësi ta ndjekin edhe fëmijët e qendrës kulturore “Albanian Cultural Center” në Riverdale New Jersey. Organizmi i këtij projekti u mundësua në bashkëpunim me O.J.Q. ON-art dhe mbështetjen e Ministrisë së Kulturës, Rinisë dhe Sportit të Republikës së Kosovës.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
