Në kuadër të nismës humanitare Komuniteti Shqiptar i Selanikut vazhdon punën për të ndjekur më nga afër problemet që po shakton pandemia e Covid -19 në gjithë Greqinë, dhe sidomos në Selanik.

Në anketë pyetsor që ndërmori komuniteti  me shqiptarët që banojnë, punojnë dhe studiojnë në Selanik doli në përfundim për të ngritur thirrjen për disa problematika .

“Thirrje,

Duke patur parasysh:

– gjendjen e krijuar deri tani nga pandehmia e Covid-19,

– rrezikun që po troket me variantin e ri Omicron të Koronavirusit, i cili po përhapet me shpejtësi të rrufeshme në gjithë botën,

– gjendjen kritike të krijuar në spitale ku nuk ka më krevate në reanimacion (ΜΕΘ),

– numrin e madh të infektuarve dhe të të vdekurve çdo ditë,

– thirrjen e sotme të Organizatës Botërore të Shëndetësisë për kufizimin e grumbullimeve të njerëzve,

– rastet e shumta të emigrantëve të prekura nga Covid-19 pas aktiviteteve te tyre me mbrëmje festive apo udhëtime turistike,

KOMUNITETI SHQIPTAR I SELANIKUT ju bën thirrje:

– Të zbatohen udhëzimet dhe rregullat e vendosura nga administrata shtetërore.

– Të vaksinohen të gjithë me dozën e tretë të vaksinave (personat me probleme shëndetësore të marrin udhëzime nga mjekët kompetentë).

– Të anulohen dhe te shmangen festimet dhe grumbullimet masive.

– Të kufizohen lëvizjet dhe të shmangen udhëtimet turistike. Komuniteti Shqiptar i Selanikut me frymë të përgjegjshme, për të shmangur infektimin e anëtarëve te tij dhe përhapjen e koronavirusit, ka anuluar tre veprimtari shumë të rëndësishme të planifikuara për tu zhvilluar në periudhën nëntor – dhjetor 2021, siç ishin dy konferenca dhe vizitë në një vend historik.

Lexo edhe: Komuniteti shqiptar i Selanikut në betejën kundër pandemisë COVID-19

Gjithashtu Komuniteti Shqiptar i Selanikut ka bërë cfare është e mundur për sensibilizimin e emigrantëve në përballimin e pandehmisë së Covid-19, me njoftime në MME dhe rrjetet sociale, me studimin për gjendjen e vaksinimit te shqiptareve ne Selanik etj., ashtu siç edhe pasqyrohet në videon bashkangjitur këtij njoftimi”, ”, shkruhet në njoftimin zyrtar të Komunitetit Shqiptar të Selanikut.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.