Qendra Muzeore Berat, në kuadër të muajit të trashëgimisë organizoi të enjten në muzeun Etnografik një koncert me këngë të vjetra qytetare dhe shpirtërore të Beratit, nga muzikologu, artisti tradicional Enris Qinami. Koncerti nisi me këngën e njohur “Asaman trëndafili çelës” kompozuar nga “Muçua i Beratit”, i cili ka jetuar në kohën e Ali Pashë Tepelenës. Vazhduan këngë të njohura si “O në bahçen tënde”, e cila këndohet në shumë shtete të Ballkanit, por dhe në Turqi (është krijuar, gjatë luftës së Krimesë, versioni i vetëm i njohur shqiptar, është ai i Beratit).
Lezo edhe: Enris Qinami, mahnit publikun francez në interpretimin me sharki
Më pas u interpretuan kënga “Për një ditë, kur del goca në pazar” dhe “Një ditë më del”, këngë të mirënjohura qytetare. Pjesa e dytë ofroi kompozime që u luajtën për herë të parë në publik (nga poezitë e Sulejman Naibit, poeti i famshëm beratas, i cili ka ndërruar jetë më 1771). “Perria e Nevbeharit” (Zana e Pranverës) dhe “Le t’ia thotë bilbili, po vetëm për ty”, që ishin krijime të artistit Enris Qinami, i cili ka kompozuar muzikë mbi këto dy poezi, duke u inspiruar nga muzika e vjetër e kohës osmane që është lëvruar në trevat shqiptare.
Lexo edhe: “Poezitë shpirtërore” të artistit Enris Qinami zbresin në Prishtinë
QMB bën me dijes se koncerti u mbyll me këngën “Behari u lulëzua” nga poeti më i madh i shek. 18, Nezim Berati (Ibrahim Nezimi), pjesë e Divanit të tij në shqip. Koncerti vjen në vijim dhe të atyre që janë zhvilluar më parë nga Qendra e Muzeore Berat, në muzeun Etnografik. Muzeu Etnografik ka një koleksion të pasur prej 1300 objektesh, është dëshmi e rëndësishme e kulturës, traditës interesante e të pasur të trevës së Beratit. Në katin përdhes një rrugicë e improvizuar e pazarit mesjetar, paraqet nëpërmjet objekteve të ekspozuar zeje përfaqësuese dhe më të zhvilluara të trevës; qëndistarinë, argjendarinë, punimin e bakrit dhe veshje e zbukurime që flasin për nivelin aristokratik të jetës së shtresave të mesme e të pasura qytetare. Në pjesën e hapur të hajatit janë prezantuar zeje që ushtroheshin në kushtet e shtëpisë për nevoja familjare. SOT
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
