Me një instrument tejet të vecantë, me një zë impresionues, me një melodi të ëmbël të panjohur për publikun ndërkombëtar artisti shqiptare Enris Qinami ka arritur të shpalosë një pjesë të traditës muzikore shqiptare. Ai luan në një instrument të vecantë, madje edhe për një pjesë të shqiptarëve të panjohur, sharkinë.

Një instrumentit muzikor me elementë të sazes dhe këngët me tekste shqip, ai është i vetmi përfaqësues që interpreton e kultivon këtë lloj muzike për publikun francez.
Performanca e tij ka lënë mbresa tek publiku francez të cilët e kanë mirëpritur me shumë duartrokitje.
Sipas tij  muzika e mirëfilltë shqiptare është vlerë e rrënjëve tona.

Enris Qinami  ka përfunduar studimet e larta për kitare dhe kompozicion klasik . Ai ka ardhur për të jetuar në Francë pak para atentateve terroriste të shtatorit te vitit 2001. Ishte një ndryshim i madh në jetën time të vija në një vend te madh si Franca dhe të rizbuloja zakonet e vendlindjes sime,  Shqiperisë. Unë jam  lindur në Shqipëri dhe jam formuar aty si muzikant.

Në koncertet e tij, ai përdor sharkinë e modifikuar me element të sazes dhe  shkrin këto tinguj duke i dhënë një përmasë autentike muzikës që është levruar ndër shekuj midis popullit shqiptar të gjendur në një udhëkryq kulturash. Sipas artistit, muzika popullore ruan brenda saj memorien e një populli të tërë. Enrisi vjen nga një familje tradicionale myslimane shqiptare me tradita muzikore pasi gjyshërit dhe prindërit e tij  janë muzikante. Si rrjedhoje, muzika që ai bën bazohet në traditat dhe poezitë sufiste bektashiane.

 

“Muzika tradicionale është një shikim në pasqyrë e vetvetes. Ajo ruan memorien kolektive në disa forma: së pari në tekstet dhe së dyti në melodi”, tha Enrisi.

Burimi origjinal ketu: