Artistja shqiptare e muzikës xhaz Elina Duni vijon turin e saj ballkanik dhe më 14 gusht do të ndalet në festivalin Sofat.
Ky event muzikor organizohet në Nivicë të Tepelenës dhe i kushtohet pasurisë kulturore të jetës rurale, me qëllimin për të sjellë në vëmendje vlerat e larmishme të zonës. Këngëtarja shqiptare do të performojë bashkë me artistin Rob Luft.
Më herët Elina interpretoi në “Pepperon the Beach”, Dhërmi më 5 gusht ndërsa më parë turi u ndal në Maqedoninë e Veriut.
Në vitin 1991 Elina u largua në Zvicër së bashku me mamanë e saj, shkrimtaren Besa Myftiu.
“De Saussure” ishte shkolla artistike ku Duni zbuloi jazz-in dhe e gjeti veten në këtë rrymë muzikore.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
